HORDOK #4 Iparra Hegoa

2018-03-13

Otsailaren 15ean, zuzenezkoa Seguran eginen dugu, Etxepare lizeoko ikasleekin. Karia horretara, balia zaitez Iparra Hegoa mugaz gaindiko aste kulturalari buruz egin ginuen filma so egiteko.

Iparra-Hegoa urtero Seguran ospatzen den mugaz gaindiko aste kulturala da. Baina horrez gain, Euskal Herriko xoko guztietatik bildutako borondatezko lanetan oinarritzen den dinamika bat da, Euskal Herria batzeko dinamika, gure baitan ere baden muga hori gainditzeko indarrean. Honen guztiaren jatorrian, batzen gaituzten bi gako daude: musika eta hizkuntza. Eta bi gizon: Xabier Albizu Apaolaza eta Beñat Elizondo. Dokumental honek 1993an Elizondon hasitako istorioa kontatzen digu eta zazpi probintzietako aktoreak ezagutzera eramango gaitu, hasiera hartatik 2013ko Iparra-Hegoaren ediziora arte. Han, urtero bezala, berriz ere bildu ziren lurralde osoko euskaldunak, Segurako gereziondoaren inguruan, haien indarrak errotuz eta bihotzean daramaten ametsa zabalduz.