LAN DEIALDIA: Sorkuntzarako misio karguduna

2023-10-31

Kooperatiba moduan ari den enpresan, zure lan eta inplikazioari esker euskararen garapenean eta gure lurraldeko eta Akitaniako ikus-entzunezko eta zinema ekosistemaren garapenean eraginen duzu. 2018az geroztik, Kanaldudek Akitania eskualdearekin baita Euskararen Erakunde Publikoarekin hitzarmen bereziak ditu. Karia hortara, sorkuntza independentea sostengatzen du aitzinetik erosteko edo ko-ekoizteko engaiamenduak izenpetuz, izan fikzio labur metraientzat edo dokumentalentzat. Dirutza bat atxikia da idazketarako laguntza batzuentzat. Zure misioetan izanen da Kanalduderen sorkuntzarako estrategia eraikitzea eta obratzea, filmen hedapena kudeatzea. Deialdiak antolatuko dituzu beste partaideekin (telebista partaideak, ALCA, ZINEUSKADI) lagunduko diren filma proiektuak hautatzeko. Segipen juridiko eta administratiboaz arduratuko zira (hitzarmenak, CNC dokumentuak, autore sozietateeri deklarapenak) baita editorial segipenaz (txosten artistiko eta teknikoen irakurketak, bidean diren muntaketen begiratzea, PADen baieztapenak...). Beren gain ari diren ekoizleen eta Kanalduderen laguntza eskatzen duten film egileen solaskidea izanen zira. Kanaldude telebistan hedatzen diren fikzio eta dokumentalen programaziorako proposamen iturri izanen zira. Kanaldude partaide den festibal eta gertakari frangotan parte hartuko duzu eta euskarazko zinemari buruzko beila lan bat eginen duzu.