"Mai da Bai" dokumentala bihar ikusgai Biarritzeko Le Royal zinemagelan

"Mai da Bai" dokumentala bihar ikusgai Biarritzeko Le Royal zinemagelan

2018-09-25

Biarritz Amérique Latine festibalaren eta Mintzalasai ekimenaren baitan

Gaur egun Argentina eta Txile bezala ezagututako lurralde zabal batean bizi dira Maputxeak azken mende luzeetan. Haien hizkuntza, mapuzungun izenekoa, mehatxatua da oraindik. Baina hemen bezala, gazteak antolatzen ari dira beren hizkuntza berreskuratzeko eta transmititzeko.

Garabidek urteak daramatza maputxeekin lanean hizkuntza lankidetzan (http://www.garabide.eus/). Imanol Eppherre, Eider Ballina Mondragon eta Anne Baskara Egido egile gazteek horren berri eman dute ikasketa bukaerako dokumental batean. Hau dute proiektatuko eta komentatuko, Europako hizkuntzen egunean, eta Festival Biarritz Amérique Latine eta Mintzalasai egituren partaidetza baten baitan.

Bihar, irailak 26, Biarritzeko Le Royal zinemagelan, goizeko 10:00etan.

Informazio gehiago : festivaldebiarritz.com mintzalasai.eus