Hipotesi demokratikoa : Euskal Herriko gatazkari buruzko dokumentala sostengatu

2019-05-06

Badu bi urte eta erdi Thomas Lacoste zinegilea Euskal Herriko gatazkaren historiari buruzko dokumental bat prestatzen ari dela, euskal eta nazioarteko eragile eta so-egileak elkarretaratuz eta gatazkaren historia barnetik kontatzeko xedez. Filmaren sostengatzeko diru-bilketa kanpaina bat abiatu dute.

Filma hemen sostenga dezakezu :

https://lhypothesedemocratique.labandepassante.org/eus/appel-aux-dons

Egilearen hitza :

« Armagebetzeari buruzko film labur baten ondotik, eta Euskal Herrian jende franko ezagutu ondoan, pertsona horiei hitza eman nahi izan diet Europako gatazka zaharrenari eta azkenari buruzko kontaketa korala eta minbera eskaintzeko: euskal gatazka... hain estigmatizatua, alta hain gaizki ezagutua. Proiektuaren muinean borroka politikoa eta lehenbiziko aldiz herri batek egiten zuen ekimena argitan ezartzen dira: gatazka armatutik unilateralki ateratzeko ekimena estatuen borondatearen kontra. Gertakari hori estatuen zentralitatearen gainetik pasatu zen, eta perspektiba arras berriak zabaldu zituen munduarentzat eta dauden gerla eta gatazka guzientzat. »