Caminho longe, bidelagun bila

2019-10-22

Lagundu bidaia hau kontatzen !

Alfonso Etxegarai Atxirikak (Plentzia, 1958) bizitzaren erdia baino gehiago eman du Sao Tome eta Principe irla txikian. 1985ean Frantziak deportatu zuen eta Espainiako agintariek Ekuadorrera bidali zuten. Han torturatu zuten eta geroago Sao Tomera igorri. Ordudanik linbo legal batean egon da, pasaporterik eta bisadorik gabe.


Erbestaldian, Kristiane Etxaluz (Domintxine, 1941) du lagun. Emakume paregabe honek hanka bat du Euskal Herrian eta bestea Sao Tomen. Haren hitzetan, «erbesteraturiko bizilaguna» da: azken 34 urteak jardun da, nekaezin, Alfonso herrira ekartzeko eta herria Alfonsorengana eramateko.


Orain 10 urte, bikoteak bere istorioa kontatu zuen “Sagarren Denbora” dokumentalean. Egun, berriz, ezer ez da berdin baina haren egoerak lehengo moduan jarraitzen du. Zerbait aldatu behar da.

Josu Martinezek eta Txaber Larreategik zuzendu dute filma, Hibai Castro Egiak filmatu du eta ADABAKI EKOIZPENAK-ek ekoiztu. IPES, Gastibeltza Filmak eta Zinez-en laguntza ere badu.

Proiektua lagundu ezazu hemen: https://www.verkami.com/projects/24714-caminho-longe

Etiketak: