'Euskal Herrian plantatzea ?' 1996ko filmaren hedapen publikoa Donibane Garazin arrats hontan

'Euskal Herrian plantatzea ?' 1996ko filmaren hedapen publikoa Donibane Garazin arrats hontan

2019-11-19

20:30tan Le Vauban zinemagelan
Kanaldudeko artxiboak begiratzen eta sailkatzen ari den Herenegun taldeak proposatzen du 1996an egina izan zen filma bat hedatzea Garaziko Vauban zinegelan. Filma «Euskal Herrian plantatzea ?» deitzen da. 'Gazteen aldi' elkarteak zuen egin 1996an, Aldudarrak bideorekin.
 
Garazi inguruko Mizelek 20 bat urte ditu. Etxaldearen segida hartzeko xedea du. Haatik, administrazioak galdegiten dizkion eginbeharrek lotsaturik, erabakitzen du etxaldea uztea eta kanpora joaitea lan baten bila. Kasu honen parean, Gazteen aldi elkartearen baitan biltzen den laborari gazte andana bat elgarretaratzen da laborantzan plantatzeko ibilbidea gogoetatzeko eta administrazioari dei egiteko.
 
Laborantzan plantatzeko buru-hausteak gainditurik edo ez, zer bilakatu dira filman agertzen diren 25 parte hartzaileak ? Mende laurden bat berantago, Kanaldudeko lagunak elkarteak gomitatzen ditu Vauban zinegelara, filma berriz ikusi ondotik beren lekukotasuna eman dezaten.
 
Euskal Herrian plantatzea ? D. Garaziko Le Vauban aretoan
Azaroaren 19an 20:30tan
70 minutu, dener idekia, sarrera 5€
Euskararen urtaroa kari, gaualdia euskaraz izanen da, bat-bateko itzulpenarekin euskara ez dakitenentzat.