Rikardo Arregi Kazetaritza saria errezebitu dugu

Rikardo Arregi Kazetaritza saria errezebitu dugu

2019-11-29

"Euskararen normalizazioak ezinbestez behar ditu euskaraz egindako kazetaritza eta komunikazio prestu eta modernoa, kalitatekoa eta garaian garaiko beharrizanetara egokitua. » Hala aurkezten dute antolatzaileek sariketa hunen helburua.

Sari hunen bidez Kanaldudetik azpimarratu nahi dugu azken urte hauetan kazetaritza mota desberdin bat agerian eman nahi izan dugula, eta hortan sinesten dugula.

Gure lurraldeko herritarren bizipenak, gogoetak kexuak edo zorionak hoiekin eta denentzat kondatzea dugu helburu Kanaldude herri telebista partehartzailean.

Urratsez urrats lan egiteko metodo berriak garatu eta garatzen segitzen ditugu ikusentzun arloan berezituz.

Kanalduderen ekoizpen guziek lanmolde hau islatzen dute nolazpait. Bainan erreportai mota desberdinak biltzen dituen Hurbiletik saila molde erregular eta iraunkor batean garatua da.

Zuek ere, Rikardo Arregi epaimahaiekoek egin duten bezala, begira itzatzue Hurbiletik sailean bilduak diren erreportaiak: https://kanaldude.eus/sailak/hurbiletik

Euskal Herrian euskararen alde arituz zoriondu gaituzten jende guziak eskertzen ditugu. Akitania Berria eskualdearekin eta Euskararen Erakunde Publikoarekin dugun hitzarmenaren baitan segituko dugu euskaraz eta hurbiltasunez garatzen dugun kazetaritza molde aurrerakoi hau lehentzen.

Milesker Pantxika Maitia aspalditik lanmolde hau egiaztatzen duen lankideari.

Milesker bere inguruan eta berarekin kazetaritza forma hau garatu duten atzoko gaurko eta biharko lankide guzieri

Milesker Andoaingo udala, Eusko Jaurlaritzako Kultura eta Hizkuntz Politika Saila, Rikardo Arregi Kazataritza saria antolatzen lan egin dutenak, eta epaimahaina gure eguneroko lana baloratzeagatik.

Eta milesker herritarreri, aspalditik eta etengabe gure ondoan partehartzaile fidelak egoiteagatik.

Aupa Kanaldude ! Aupa kazetaritza partehartzailea !