Lanbide forotik zuzenean larunbat hontan!

Lanbide forotik zuzenean larunbat hontan!

2019-12-03

Asteburu hontan lanbideen foroa iraganen da Bernat Etxepare lizeoan. Kanaldudek segipen berezi bat eskainiko dizue

Ekitalde hau Etxepare lizeoa, Piarres Larzabal kolegioa, Manex Erdozaintzi Etxart kolegioa, Estitxu Robles kolegioa eta Xalbador kolegioaren artean antolatua da, Euskal Konfederazioarekin batera. Helburua ikasle eta familiei ofizioen ezagutza egiteko parada emaitea da, arlo profesional desberdinetako pertsona euskaldunak gomitatuz.

10 arloetako 75 bat profesional present izanen dira, lan arlo desberdinetan.

Kanalduderen bidez hiru mahai inguru zuzenean bizitzea proposatzen dizuegu, "Zuzenean" atalean:

12:00 EUSKARA LAN MUNDUAN: Euskarak promozio profesionalerako duen balio erantsia azpimarratzea. Hildoak: Euskaldunen arteko sarea eta konfidantza, mugaz gaindikotasuna, langile euskaldunen beharrak dituzten arloak identifikatzea.

14:00 LANBIDE HEZIKETA: Lanbide Heziketaren balorizazioa. Aurreiritziak ezabatzea. Aprendizgo sistemaren abantailak. Formakuntzen desmartxa, formakuntza jarraitua.

15:30 TOKIKO BEHARRAK: Gure eskualdeetan eta Euskal Herrian dagoen errealitate ekonomikoa ikusirik, lanbide beharrak zeintzuk diren identifikatzea.

lanbideenforoa