Hiru Uhinak eta Tantaka Durangoko Azokan

Hiru Uhinak eta Tantaka Durangoko Azokan

2019-12-04

Ostegun hontan, Kanalduderen aurtengo ekoizpenak argitan ezarriak izanen dira Durangoko Azokan

Kanaldudek ikusentzun arloko hainbat proiektu segitu ditu aurten, Horietarik bi, TANTAKA eta HIRU UHINAK, Durangoko Azokan proiektatuko dira ostegun hontan.

HIRU UHINAK:

Hiru Uhinak Loïc Legrand-en dokumentala hurbiletik segitu du Kanaldudek. Izan ere, Loïc guregana hurbildu zen gazte talde batekin film tailer baten sortzeko gogoa baitzuen. Elgarrekin tailerra antolatu dugu eta Loic-ek tailer osoa filmatu eta dokumental bat osatu du. Donostiako Zinemaldian estreinatu ondotik, bere bidea segitzen du Durangoko Azokatik pasatuz.

Ostegun hontan 18:00etan proeiktatuko da Durangoko Azokako IRUDIENEA gunean. Ondotik ITO film laburra ikusteko parada ere ukanen duzue.

TANTAKA:

1999ko udazkena. Jenofa, Andoni eta Arantxa, 15 urteko hiru lagun  Anestesiaren urteko azken kontzertura joateko irrikitan dira. Bidean direla, Jenofak istripu bat badu eta koman sartzen da. 2019. urtean, bere ospitaleko ohean berriz irazartzen da. Bere bi lagunen sustenguarekin, 20 urtez errotik eraldatu den gizartearen kodeak bereganatu beharko ditu. Baina duela 20 urte ukan duen istripuaren nondik norakoak ez dira argi. Bere lagunak dirudi duten bezain zintzoak ote dira? Anestesiako kideen artean ote da erantzuna?

Ostegun hontan 20:00etan, lehen kapitulua ikusteko parada ukanen duzue (work in progress) Durangoko Azokako IRUDIENEA gunean.

tantaka