"Orain presoak !" larunbateko manifestazioaren segipen berezia nahieran ikusgai

2020-01-13

"Ez dezagun historia errepika! Orain presoak" lemapean, urtarrilaren 11n, Baionan eta Bilbon antolatu mobilizazioek etapa berri bat ireki nahi dute bake prozesuan, Euskal Herritik Parise eta Madrileraino, makila eskuan, herritarren haserrea, herritarren determinazioa erakutsiz.

Kanaldudek zuzenezko emanaldia eskaini du Baionatik. Pantxika Maitia eta Bixente Vrignon kazetariek egoeraren berri eman ondoan Joana Haramboure, Txistor presoaren alaba hurbildu zen platora. Ondotik, taula gainean izan hitzartzeak zuzenki hedatu dira, besteak beste Kotte Escenaro eta Maider Behoteguy hautetsiak, Anaiz Funosas Bake bideko ordezkaria eta Mixel Berrokoirigoin bakegilea.