Harri Salda #12 Nahieran ikusgai!

2020-04-22

Aste honetako gonbidatuak : Benat Iturrioz eta Sabina Hourcade zinegileak, Patxi Vrignon kirol kazetaria eta kronikalarietan, Adur Larrea komikigilea eta Lukas Hiriart zinemazalea!

Dokumentalak eta zinema nagusi izan dira ondoko asteko Harri Saldan. Apirilaren 25etik goiti Kanalduden hedatuko den "Sans nom sarea" izeneko dokumentalaz mintzatu gira Benat Iturrioz Perez egilearekin. Bigarren mundu gerlan Mendibeko segerian izan zen erresistentzia mugimenduaren berri ematen du hernaniarraren lanak. Barnealdetik kostaldera pasa gira gero Sabina Hourcadekin. "Arraun egin zure planetaren alde" dokumentalean surflariek ekologiaren alde eraman duten borrokaz interesatu gira. Dokumental egilek Lukas Hiriarteren kronika preziatu dute dudarik gabe. Isiltasuna zinemagileen tresna baliotsua dela erakutsi digu hainbat adibide eman ondoren. Eta bukatzeko, futbal sasoiak zertan diren galdegin diogu Madrilen AFPko kazetari den Patxi Vrignon Etxezaharretari. Nahiz eta gauza anitz airean izan oraindik, nehork ez baitaki sasoiak noiz hasiko diren berriz, eredu ekonomiko baten bukaera bizitzen ari gira seguru asko kirol honetan. Gai horiek guziak, marrazkitan ezarri ditu Adur Larreak bere tailerretik.