ERRAUTSAK antzezlana, Nahieran ikusgai

2020-04-23

Artedrama Euskal Laborategia, Le Petit théâtre de Pain eta Dejabu Panpin laborategiak 2010ean eman ERRAUTSAK antzezlana, Nahieran ikusgai da. Milesker handi bat AXUT! kolektiboko Ximun eta Manex Fuchs-i antzerlan hau gurekin partekaturik.

Hodei hil da. Gaztaroko lagunak, urteetan elkarren berririk izan gabe egon ondotik, Hodeiren hiletarako bilduko dira. Saminak eta berriz elkartzearen emozioak eraginda, Hodeiren agurra garai bateko festa basati bihurtuko da. Iraganeko eta oraineko egiak, gezurrak eta kontraesanak azaleratuko dituen gau eroa. Noizbait izatea amestu eta sekula izan ez zirenaren errautsak baino ez dira geratzen, ordea. XX. mendeko hirurogeita hamar hamarkadan jaioak gara. Mundu aldatzear zela sinesten zeundenengandik sortu ginen. Hautu gaitza, ordea, mundua aldatzea. Musikaz, borrokarako leloz, errepresioz, festaz eta orotariko drogaz inguratu gintuen gaztaroak. Denboraren errotak egin du gaineratekoa. XXI. mendea da eta XX.eneko ametsen errautsak gara. Oraindik orain, errautsotan noizbait surik izan zela sinestarazi nahi diegu gure buruei. Ba ote ?