Harri Salda #13 Nahieran ikusgai!

2020-04-28

Aste honetako gonbidatuak: Maialen Errotabehere kantaria, Maialen Alfaro sofrologoa eta Izaskun Bilbao Barandica eurodiputatua. Matiu Bordatok bere aste honetako kronikan autoan irratia nola aldatu azaldu digu. Emankizunaren bidelagun ere izan dugu Nahia Sasco bertsolaria.

Maialen Errotabehererekin mintzatzeko xantza ukan dugu aste honetan Harri Saldan. Arrosako herrian erroak dituen kantariak nola bizi izan duen orain arte konfinamendu egoera azaldu digu, eta abesti bat eskaini digu. Beste Maialen batekin izan gira ere, Maialen Alfaro oraingoan. Sofrologoa da eta haurrentzat pentsatu dituen ariketak hedatzen ditu Kanaldudek. Sofrologiari buruz interesatu gira beraz eta haurrentzat zein helduentzat balio duela ohartu gira. Bukatzeko, eurodiputatua den Izaskun Bilbao Barandica hurbildu zaigu. Covid 19k sorturiko krisien aitzinean Europak harturiko zenbait erabaki esplikatu dizkigu. Mugak berriz idekiko direla ziurtatu du ere. Irratia aldatzeko gogorik zure autoan? Matiu Bordato, hori lortzeko azalpenak ematen hasi da bere etxetik. Gai anitzak izan dira beraz beste behin Harri Saldan. Gai horiek bertsutara eraman ditu ederki Nahia Sascok.