Harri Salda #14 Nahieran ikusgai

2020-05-05

Aste honetako gonbidatuak: Maryse Urruty antzerkilaria, Mikel Sainte-Marie EHLGko teknikaria, eta Nahia Idoiaga Mondragon psikologoa. Matiu Bordato eta Rafa Rodrigo kronikariak ere saioaren bidelagun izan dira.

Antzerkia aipatu dugu aste honetan Maryse Urrutyrekin. Egoera hobetuko denean estreinatuko duen "Erromako zubia" izeneko obra hurbilagotik ezagutzeko aukera izan dugu. Errobiko uraren kalitate bakteriologikoa zertan den azaldu digu EHLGko langilea den Mikel Sainte-Mariek, eta COVID 19k zer ondorio ukanen duen gure buruetan ikusi dugu Nahia Idoiaga Mondragon psikologoarekin. Irrati zaharra kendu ondoren, berria nola ezarri erakutsi digu Matiu Bordatok, eta porruen saltsan murgildu gaitu Rafa Rodrigok.