PARQUE LENIN filma, Nahieran ikusgai

2020-10-15

Donibane Lohitzuneko Itziar Leemansen PARQUE LENIN dokumentala, ostegun aratsean 21:00tan hedatuko dugu. Filma Carlos Mignon mexikarrarekin ko-zuzendu zuen zinema ikasketak Kuban burutu ondoan.

Istorioa: Hiru anai-arrebek Habanako Lenin parkean elkarrekin iragan azken arratsaldea gogoan dute. Biharamunean, Antoinek Yesuan eta Karla bere senide gazteak utziko ditu, Frantziara opera ikastera joateko. Senideak sakabanatuak dira. Ama duela 4 urte galdu zuten eta famila loturak berriz moldatzera behartuak dira: Yesuanek anai nagusiaren lekua hartuko, bere arrebaren zaintzeko ahaleginak eginez. Filmak gai unibertsal bat jorratzen du: joatearena edo egoitearena.