'BOCA CIEGA' asteburu honetan aurkeztuko da

2021-04-01

‘Boca Ciega’, Itziar Leemans zinegilearen bigarren dokumental luzea, Festival International de Films de Femmes jaialdian, online aurkeztua izanen da apirilaren 2tik goiti.

Sarrerak hemen eskuragarri dira: https://filmsdefemmes.com

Sinopsia: Boca Ciega dokumentalak Thomas Henriot margolari atipiko eta erradikalaren potreta proposatzen du. Badu 10 urte Habanako kaleetan lan egiten duela. Bere lana elikatzen duen kubatar familia baten intimitatean murgiltzen gara. Bere obrak gauzatzen dituen bitartean bere barruko bizipenak azaltzen dira. Margotzea, beretzat, munduan izateko molde bakarra da.

Les films du temps scellé ekoizpen etxeak produzitu dokumentalaren partaide dira: Kanaldude, ALCA, CNC, Akitania Berria eskualdea, Scam, Procirep, Angoa.