Kantuen Kontrabandista #4

2021-10-13

Xabaltx eta Inda "Bazterretik bazterrera" izeneko kantuaren bila abiatzen dira, Baigorri alderat. Hainbat lagun ikusi eta, Xabaltx-ek erabakitzen du kantua "Mugaldekoak" musika taldeari ekartzea, beren moldean emateko.

Aurreko episodioan Xabaltxek bere kitarra hautsi zuen. Zorionez Itsasualdean lutier bat ezagutzen du. Honek instrumentua konpontzen dion bitartean Xabaltxek hurrengo kantu zahar baten aukeraketan pasatzen du denbora, burua Azkueren liburuan murgildurik. Baigorri aldean kokatutako "Bazterretik bazterrera" izeneko kantuak doinu polit bat duela atxematen du. Baina Azkuek bildutako bertsio hori moztua dirudi. Parte bat falta zaiolakoan, Baigorri aldera joatea erabakitzen du, kantuaren segida aurkitzeko. Abentura gogortzen da, bideak zailagoak dira, baita kantuaren pistak aurkitzeko aukerak ere.
Bigarren episodioan, Mugaldekoak izeneko musika taldea topatu zuen Willis Drummonden lokalean, eta proiektuan partehartzea proposatu zien. Garaian ez ziruditen oso konbentzituak. Gaur, Nafarroa Garaian Covid neurriak arindu dira eta taldeak kontzertu bat emango du Erratzuko taberna batetan. Xabaltxek beraiengana joko du bildutako merkantzia proposatzeko. Ados egongo ote dira kantu zahar hori beren estiloan eraldatzeko ?