Kantuen Kontrabandista #6

2021-10-27

Xabaltx eta Inda "Ura isuririk" izeneko kantuaren bila abiatzen dira, Baxe-Nafarrotik Xiberu alderat. Azkenean, Xabaltx-ek erabakitzen du beste kantu bat - "Nevadako mendietan" izenekoa - Oihan Oliarj-Ines musikariari ekartzea, beren moldean emateko.

Etengabe euria dario Garazialdean. Patuaren seinale gisa, Xabaltxek, Maddi Oihenarten email bat jasotzen du : honek "Ura Isuririk" izeneko kantu baten berri ematen dio. Iduriz, kantuzale haundi batek duela urte andana bat ikasi zion kantu zahar hau, ots, Erramun Negelua gamartarrak. Baina behin honen etxaldera hurbildurik Xabaltxek ezusteko txar bat hartzen du : Erramunek kantu zahar hori ez du batere ezagutzen. Halere gamartarrak bere garaiko Garazialdeko hainbat kantu eskaintzen dizkio gure zaldunari eta honek dena bere makilafonoan grabatzen du, badazpada. Xabaltxen sorpresak ez dira hor gelditzen : BBAX taldeko Marie eta Pantxix Bidartek "Ura isuririk" kantua ezagutzen dute, baina "kantu zahar" berri bat dela azaltzen diote. Baina zer esan nahi du horrek ? Pista oker bat segitzen ari ote da ? Negua gainean duelarik, elurrak bideak eta aztarnak ezabatzen dituelarik, Xabaltxek erabaki bat hartu behar du Xiberura iritsi orduko. Bertan Oihan Oliarj-Ines musikariari bildutako materiala transmititu beharko dio, bere garage-pop estiloko moldaketa egin dezan. Baina zer kantu emango ote dio Xabaltxek ?

Etiketak: