Urtarrilaren 8ko mobilizazioak zuzenean Kanalduden

Urtarrilaren 8ko mobilizazioak zuzenean Kanalduden

2022-01-07

2022ko urtarrilaren 8an, euskal preso eta iheslarien aldeko elgarretaratzeak eginen dira Euskal Herri osoan. Zuzenezko oihartzuna emanen diote Hamaika eta Kanaldude telebistek elgarrekin ekoiztu emankizunean, 16:00etarik goiti.

"Izan Bidea : Ion, Jakes eta Unai gurekin" mobilizazioa jarraituko dute zuzenean Hamaika eta Kanaldude telebistek, elgarrekin Bilbo, Baiona, Irunea, Gasteiz eta Donostia hiriburuetatik konekzioak eginez.
Arratsaldeko 4etatik goiti, Lapurdiko hiriburuak hartuko du protagonismoa, ordu bat lehenago hiru gune ezberdinetatik abiatuko diren ibilaldiak elkartuko direlarik San Andres plazan. Baionan antolatua den ekimena zuzenean sartuko da emankizunean, Bake Bidean elkarteko bozeramaileen hitzekin batera.
Ondotik hitza emanen zaie beste hiriburuetan izanen diren kazetariei, hiritarren abotsa, elgarrizketa eta ekitaldiak zuzenean jarraikitzeko.
Arratsalde bukaeran, mobilizazio ezberdinek emandako irudi eta giroaren bilduma eskainiko dute Kanaldude eta Hamaika telebistek