Teresa eta Galtzagorri (trailer)

2019-12-03 01:37 min Etiketak:

Negu huntan, Kanaldudek marrazki bizidunak proposatzen ditu haur eta helduentzat ! Abendoaren 22an 16:00etan, "Zuzenean" atalean, Teresa eta galtzagorri filma ikusteko parada ukanen duzue. Eta huts eginen dutenentzat, nahieran gozatzeko aukera ere ukanen duzue.

Iratxoek udaberria ekartzen digute urtero. TIM lehen aldiz iritsitako iratxoa da. Feriako soinu erakargarriarekin nahasita, gainerako iratxoengandik bereizi da. Eta SAMUEL eta VLADek harrapatu dute, zirkuko atrakzio gisa esplotatzeko.

TERESA 6 urteko neska da, eta jeloskortasun handia agertzen du neba txikiaren aurrean. Ferian, TIM ikusi du jendaurrean ikusgai, eta hura gutiziatu du. TIMentzat, berriz, ihes egiteko aukera da neska.

TIM TERESAren etxean ezkutatuko da, eta haren babespean biziko da. Elkarrekin, hainbat abentura biziko dituzte, eta lagun bereizezinak izango dira.

Denborarekin, TIM eraldatzen hasiko da. Bere mundutik eta bere ingurukoengandik urrun denbora gehiegi daramala ikusiko du. TIM salbatzeko aukera bakarra itzultzen laguntzea izango da. Denborarik galdu gabe! Baina kontuz! VLAD zelatan dago!

Zuzendaria: Agurtzane Intxaurraga
Produktorea: Dibulitoon Studio
Gidoia: Juan Luis Carreras
Musika: Joseba Beristain