Herenegun
90 hamarkada hasieratik gaur arte, Aldudeko ibarratik Euskal Herri osoraino, zenbat irudi, lekukotasun, erreportaia, gertakari grabaketa egin ditu Kanaldudek ? Kanaldudeko lagunak elkarteko multxo bati esker, emeki emeki altxorra berriz ikusgai izanen da Kanalduderen web gunean. Hilabete guziz, ordu bateko emanaldia proposatzen du taldeak. Adi egon eta begira HERENEGUN artxibo bilduma...
Herenegun #1
2018-04-18 57:03 min Etiketak:Kanaldude lekuko telebista ez zen oraindik sortua 90 hamarkada hasieran, hala ere lehen dokumental parte hartzailea ekoiztu zen Baigorri eskualdean. 1990ean, Baigorri eta Aldudeko ibarreko laborari multxo batek, Mikel Erramuzperen laguntzarekin mendiko laborantxaren aurkezteko filma bat egin zuen, urte hartan berean egin zen ELB, Euskal Herriko Laborarien Batasunaren bestan erakusteko. 45 minuta inguruko dokumentalaren ekoizpenean parte hartu zuten Mikel Erramuzpe eta Joseph Errotabeheren lekukotasunak bildu ditu Kanaldudeko artxiboen miatzeaz arduratzen den taldeak. Herenegun emankizuna bururatzean, 1990ean, Aldudeko plazan iragan zen ELBren bestan filmatu mutxikoak ikusgai ere.
