![](https://kanaldude.eus/media/photologue/photos/cache/556_1669825692_content.jpg)
partekatu sarean:
- film labur
- zinema sahara gazte sorkuntza
Haizearen egia
2023-01-28
Tahar izeneko 20 urteko gazte sahararrari bizitza goitik behera aldatuko dio hil berri zaion bere aitaren hiletari aurre egiteak. Urte askoren ondoren, Saharako Errefuxiatuen Kanpalekuetara itzuli beharko du, aitaren gorpua lurperatu aurretik garbitzera, antzinako saharar tradizioari jarraituz.
Garbiketa egiten duen bitartean, Taharrek, bere oroitzapenetan murgilduta, bere bizitzaren azterketa egingo du; mementu hutsaletatik, garrantzi handiko oroitzapenen bidaia izango da. Bien arteko erlazioak ezkutatzen zuena azalaraziko dute horietako batzuek, desadostasunak eta gorrotoak medio, inoiz ulertzera heldu ez den aita-semearen arteko erlazioa. Semeak, orain, aita barkatzeko aukera izango du, bat izan ez diren arren, biek beti elkar maite izan dutelako. Desertuak beste aukera bat emango balio bezala, hortxe du Taharrek aita, bere begien aurrean, eta hortxe du aita barkatzeko aukera eta urteetan zehar haien arteko erlazioan sortutako zauriak ixteko aukera. Taharrek, ordea, zailtasun handia du hori lortzeko, aita hilda dago. Ahazten ari den saharar herriaren aurrean, ahaztu nahi ez duen gazte sahararra. Ekain Albite 1999an jaio zen Zumaian, Gipuzkoan. 2022an Bartzelonako ESCAC izeneko zinema eskolan amaitu zituen zuzendaritza-ikasketak. Zinema ikasle izatearekin bat, zinemarekin zerikusia duten hainbat proiekturen garapenean jardun da, hala nola, Zinea Sortzenen lanean aritu edo hainbat film labur pertsonal garatu. Haizearen Egia izan da bere lehendabiziko fikziozko film laburra. Une honetan amaitu berri du Negu hurbilak bere lehendabiziko lan luzea.
Zer berri
ikusi denak![Card image cap](https://kanaldude.eus/media/photologue/photos/cache/proiektu_deialdia_TENK_albistea_web_display.png)
“Nortasuna(k) borrokan” proiektu deialdia
2024-06-21