Izan Laguntzaile

Aldudarrak Bideo Ipar Euskal Herriko egitura historikoa da. Elkarte moduan sorturik 1997an Aldudeko ibarrean, lekuko telebista partehartzaile baten eraikitzea zen helburu. Hasieratik biztanleen inplikatzea izan da xede nagusienetarik bat, belaunaldi guziak nahasiz "besteari ikustera emaiteko", hobeki elgar ezagutzeko eta konprenitzeko gisan. Ekimen hau molde partehartzailean antolatua zen : herritarrek parte hartzen zuten telebistan agertuko ziren edukietan, ikasten duten hauen hondatzen eta partekatzen. Horrela sortu zen KANALDUDE, euskarazko hurbileko telebista.

Geroztik, mende laurdena iragan da eta herritarrek telebistaren giderra eskuen artean hartzen segitzen dute: edo noizean behin filmaketa batean parte hartuz, ideiak emanez erreportai batentzat, berdin ere laguntzaile gisa erregularkiago eskuak sartuz telebistako edozein edukien errealizazioan.

2017an, laguntzaile multxo batek sorturik, KANALDUDEKO LAGUNAK elkarteak hiru misio nagusi ditu:

- laguntzaile sarearen animatzea

- telebista egiteko molde parte hartzailearen sustatzea, besteak beste bideo formakuntzak antolatuz,

- sustengu ekonomikoa ekartzea Kanaldude editatzen duen Aldudarrak Bideo kooperatibari.

Zuk ere, molde batez edo bestez, parte har dezakezu Kanalduderen abenturan: filmatuz, gure lurraldean gertatzen dena argitan emanez, Kanalduderen 30 urteko artxiboen sailkapenean lagunduz...

Laguntzaile izateko : laguntzaileak@kanaldude.eus