Fikzioak

Fikzio laburrak

BOST TEILATU

Fikzioak | Iraupena: 78 minutu | 24/12/28

GEURETIK SORTUAK Herri baten kontakizun sentikorra arteak eta kulturak baino ezin dute egin. Euskal Herria geuretik eta geuretzat kontatzeko, Geuretik Sortuak proiektua antolatu du Udalbiltzak bigarrenez, eta lau diziplinaren baitan hainbat txokotako ahotsak eta istorioak bildu dituzte euskal sortzaileek komikigintzaren, literaturaren, zinemagintzaren eta antzerkigintzaren arloan. BOST TEILATU Bost teilaturen azpian jazotako bost istorio labur. Nork bere etxean Krak egin duten Ane eta Mirenen dolua; Ekaitz gazteak eta Inaxio edadetuak baserrian bizi duten katarsiak emandako Arnasa; Michellek jaioterrira itzultzean deskubrituko dituen Hitzak eta bere nortasunaren inguruko galderak; paketea dagokion teilatupera eramateko Erlojupekoa lehiatzen duen mezularia eta, azkenik, Muga inguruan bere buruaren babesteko ihesi doan Kamaru gazte afrikarra.