EUSKAL HEDABIDEAK

 

Euskal Hedabideak elkartea, iparraldeko eta euskarazko hedabide pribatuak elkartzen dituen lantaldea da:

Euskal Irratiak Xiberoko Botza · Gure Irratia · Irulegiko Irratia · Antxeta Irratia

Aldudarrak Bideo (Kanaldude telebista)

Ipar Euskal Herriko Hitza (Berria)

Herria

Kazeta.eus

Ipar Euskal Herriko bost euskal hedabideen arteko elkarlana 2013an hasi zen. Lehen ekintza publizitate instituzionalaren alorrean eraman zen, publizitate pack batzuk definituz eta proposatuz elkarrekin. Gogoetak zabalduz, ekoizpen amankomunak pentsatu ziren eta lehen ondorioa, "Ahoan bilorik gabe" emankizuna izan zen 2012an. 

Beste proiektu puntual batzuk ere antolatu ditugu elkarrekin: EHZ festibala, laborantza ganbarako hauteskundeak eta halako ekitaldi garrantzitsuak.

Gaur egun, “Elkarlana” lantaldeak gure hedabideetako hainbat kazetari biltzen ditu, eta gure 5 hedabideen ekoizpen amankomunen inguruan gogoetatzen eta lan egiten dute  (normalean, telebistako eta irratietako zuzenezko emankizunak). 2022an, lantalde horrek bi programa landu eta egin ditu zuzenean:

2022ko Legebiltzarreko hauteskundeei buruzko emankizun berezia :

Joan den ekainaren 14an 19:00tan, Euskal Hedabideek bi itzulien arteko zuzenezko saioa eskaini zuten zuzenean Euskal Irratietan eta gure hedabideen web guneetan (Kanaldude.eus / Kazeta.eus / Berria.eus). 

Emankizun hori ikusgai da hemen: https://kanaldude.eus/bideoak/5290-legebiltzarreko-hauteskundeak-2022 

«Euskara, hedabieetatik karrikara» emankizun berezia:

Euskaraldia eta Euskararen Nazioarteko Egunaren karietara, gure 5 hedabideak berritz ere elkarlanean aritu dira abenduaren 3an, 11:00etatik 12:00etara “Euskara, hedabideetatik karriketara!” programa berezia eskaintzeko.

Emankizun hori (ber)ikusteko : https://kanaldude.eus/bideoak/5544-euskara-hedabideetatik-karrikara