Itziar Leemans-en XIMINOA film laburra nazioarteko ZINEBI festibalean hautatua izan da

2023-11-02

Azaroaren 10etik 17ra Bilbon iraganen den ZINEBI dokumentalen eta film laburren nazioarteko jaialdiaren 65. edizioan, Itziar Leemans lapurtar zuzendariaren XIMINOA film laburra sail ofizialerako hautatua izan da. Gastibeltza Filmak eta Al Borde Films-ek ekoiztuta, Kanalduderen parte-hartzearekin.

Azken izendapen hau, iragan den ekainean Euskadiko Film Laburren hautaketa egin zuen KIMUAK katalogoaren eskutik dator.

ZINEBI Film Laburren Nazioarteko Lehiaketaren sail ofizialean 58 film labur lehiatuko dira. Horiek guztiak Espainiar Estatu mailako estreinaldiak dira; 12 mundu mailakoak, 6 nazioartekoak eta 2 Europakoak.

Parte-hartze datuen arabera, aurkeztutako film laburren kopuruak gorantz egin du, aurten % 13,6 film labur gehiago aurkeztu direlarik. 35 estatu ezberdinetatik aurkeztutako 3.901 film labur ikusi dituzte Zinemaldiko Hautaketa Batzordeko kideek eta ondotik hautaketa egin.

Ximinoa | Fikzioa
Itziar Leemans – Euskadi / Frantzia - 25’ – 2023

Sinopsia:
JUNEk, udako lehen lana aurkitu du. CONSTANCE zaintzen du, maitasun eskasa duen neskato sentikorra. Laster mantsotzen du haurra eta urte osoan bere haurtzain izateko ilusioa hazten zaio. Haurrari lotzen zaion heinean, klase harremanen bortizkeria eta bere identitatearen ukapena deskubritzen ditu.

Zuzendaritza Itziar Leemans
Gidoia Itziar Leemans
Argazkia Gaizka Bourgeaud
Muntaketa lanak Paula Iglesias, Myriam Ayçaguer
Zuzendaritza artistikoa Irati Rodriguez
Soinua Iñigo Etxarri, Unai Gimenez, Luca Rullo, Loïc Villiot
Antzezleak Ainara Leemans, Anaïs Villiot Chantelauze , Sarah Chantelauze
Ekoizpena Gastibeltza Filmak, Al Borde Films
Banaketa Esther Cabero -Kimuak
Harremanetarako kimuak@basqueaudiovisual.eus, info@gastibeltza.eus