partekatu sarean:
- zinema
- seriea
- estreinaldia
"Arima baitako bideak" seriearen estreinaldia
2023-12-02
Heldu den abenduaren 8a ostirala, 20:30etan Donibane Garaziko Le Vauban zinegelan ARIMA BAITAKO BIDEAK seriearen estreinaldia izanen da.
Xiril Alvarez Bidarraitarrak eta Kanaldudek ekoiztu seriea, 2023ko apirilean Alvarezek Errusia eta Mongoliara egin bidaian oinarritzen da. Seriea bost atalez osatua da. Estreinaldian lehen hiru atalak hedatuak izanen dira.
Sinopsia:
Bidaia sinple batetik haratago, abentura zale baten bizipenak ezagutuko dugu. Xiril Alvarez Bidarraitarraren eskutik, Errusia eta Mongoliako leku ezberdinak ezagutuko ditugu. Baxe Nafarroako Bidarrai herritik abiatu eta San Petersbourg hiri errusiarrera iritsiko da. Listvianka herrian aurkitzen den Baïkal lakua ezagutuko du. Laku izoztuaren gainean ibilbide luze bat eginen du muturreko hotzak eta eguraldi gogorrei aurre eginez, Olkhon uhartera iritsi arte. Bertan, Xaman haitza bisitatuko du. Oulan-Oude herritik autobus txiki batean Mongoliara bidaiatuko du eta Tsaatan populuaren lurraldea ezagutu.
