• emankizuna
• estreinaldia
• Mintza
• mus

“MINTZA”, Kanaldude telebistak ekoiztu mus emankizun berria

2024-02-14

MINTZA, telebista joko-errealitate eta kultura saioen arteko mus emankizuna, 52 minututako 7 atalez osatu dagoena eta otsailaren 21etik, asteazken guziz 20:30etan Kanaldude telebistan hedatua izanen dena. Astean atal bat hedatuko delarik.

Atal bakoitzeko, bi bikote elkarren aurka borrokatzen dira, jokaldi bakoitzak saio bat osatzen duelarik. Guztira 8 talde daude. Euskal Herriko probintzi bakoitzeko talde bat (Lapurdi, Nafarroa Beherea, Xiberua, Nafarroa Garaia, Bizkaia, Gipuzkoa eta diaspora).

Bikote bakoitzak proiektu kultural eta solidario baten alde eginen du. Lehen eta bigarren postuko sari ekonomikoak bikoteak hautatutako elkartearentzako izango dira. Lehen postua 3.000 eurokoa eta bigarrena 1.500 eurokoa izanen da.

Lehen lau ataletan, jokalari guztiak ezagutuko ditugu. “Poker tour” moduko partida laburpenekin batera, haien inguruko informazioak jasoko ditugu erreportaien bidez eta taldeko kide bakoitza bisitatzea joanen gara. Haien hiria edo herria, ohiturak, gastronomia, hizkuntza berezitasunak, anekdotak, baina batez ere, saioan parte-hartzeko arrazoiak zeintzuk izan diren azalduko dizkigute, non hautatu duten elkartearen berri ere jasoko dugun.

Jokoaren jarraipena

MINTZA emankizuna, mus jokoa ezagutzen ez duen publiko zabalari ere zuzendua da. Jokoaren arauak ulertu ahal izateko, oinarriak eta azalpen bereziak, eta batez ere iruzkinen adierazpenak oso garrantzitsuak izango dira. Modu horretan, lehen aldikoz, ikusleek 4 jokalarien jokoak zuzenean ikusi ahalko dituzte, partidaren eta jokalari bakotzaren jokoaren jarraipena ziurtatuz.

Animatzaile eta aholkulari talde indartsua

Saioaren animazioa eta erritmoa Pantxoa “Xabaltx” Bergarak eramango ditu. Kantuen Kontrabandista telesaieko protagonista nagusi gisa ezagutzen duguna, baita kantari-egile bezela ere. Saioa zintzotasunez gidatuko du, une xelebreak bizitzeko momentuak ere biziaraziko dizkigula. Bestetik, jokoa eta estrategiak aipatuko dituen aholkulari baten laguntza izanen du Xabaltxek.

Lehen atala

Otsailaren 21ean, 20:30etan hedatua izanen den lehen atalean, Gipuzkoa eta Araba lehiatuko dira. Gipuzkoatik Dr Dago eta Mc Kiero eta Arabako taldetik Elena Arrizabalaga eta Ana Mari Arrizabalaga arituko dira. Hautatutako elkarteak berriz, gipuzkoarrek “Balio dute” elkartea hautatu dute eta Arabatarrek berriz “Alaiak” elkartea.

Non ikusi?

Emankizun berri honen ikusteko, Ipar Euskal Herrian kanaldude telebista ikusteko ondoko telebista box-etan ikusgai izanen da: ORANGE 358 katean, BOUYGUES 339 katean, FREE 948 katean eta SFR 496 katean. Euskal Herri osoko ikusleentzat, www.kanaldude.eus web atarian zuzenezko atalean ere ikusgai izanen da https://kanaldude.eus/zuzenean helbidean. Emisio bakoitzaren ondotik, web atarian nahieran ikusteko aukera zabalduko dugu ere.

Hedapen datak

1. atala, otsailak 21 asteazkena 20:30
2. atala, otsailak 28 asteazkena 20:30
3. atala, martxoak 6 asteazkena 20:30
4. atala, martxoak 13 asteazkena 20:30
5. atala, martxoak 20 asteazkena 20:30
6. atala, martxoak 27 asteazkena 20:30
7. atala, apirilak 3 asteazkena 20:30

Ekoizpena: Kanaldude telebista
Ideia originala: Pantxoa Bergara “Xabaltx”
Errealizazioa: Iban Rusiñol