"Sous les feuilles" filma Cinema De Réel jaialdian hautatua izan da

2024-03-21

Gogo biziz partekatzen dugu Kanaldudek koekoiztutako Florence Lazarren "Sous les Feuilles" filma, martxoaren 27tik 29ra Cinéma du Réel jaialdi ospetsuan parte hartzeko hautatua izan dela. Film liluragarri honek oso gai hunkigarria jorratzen du Martinikako hondartza batean esklaboen hilerri baten aurkikuntza aztertzean.

"Sous les Feuilles"-ek bertako biztanleek, medikuek eta arkeologoek hilerri honen aurkikuntza zirraragarriari nola aurre egiten dioten kontatzen digu, esklabutzak markatutako iraganaren aztarnak lurpetik ateraz. Eragile sozial ezberdinek ixildua izan denaren itzulerari aurre egin behar diotela da filma honen ardatza, uhartean luzaroan iraun duten isiltasun historikoak argituz.

Filmak ikerketa eta aurkikuntza arkeologikoaren prozesua dokumentatzeaz gain, iraganeko zati mingarri bati aurre egitearen ondorio indibidual eta politikoak ere aztertzen ditu. Testigantza hunkigarrien eta berreraikitze historiko arduratsuaren bidez, "Sous les Feuilles"ek ikuspegi sakona eskaintzen du Martinikako gizon eta emakumeak beren historia kolektiboaren isiluneak berreskuratzen hasi berri direla erakusteko.

Florence Lazarren lanak distira egiten du iraganarekiko konfrontazio-prozesu honen konplexutasuna atzematean, egia historikoa argitu nahi dutenen ausardia eta determinazioa nabarmenduz. Dokumental hau ez da soilik komunitatearen erresistentziaren eta erresilientziaren ezinbesteko testigantza, memoria eta justizia historikoari buruzko elkarrizketarako ekarpen esanguratsua ere bada.

Kanaldudetik oso pozik gaude "Sous les Feuilles"en ekoizpenean parte hartzeagatik eta Cinéma du Réel Jaialdian bere hautaketa izateagatik. Ekitaldi hau merezitako aintzatespena izan dadila obra esanguratsu honen sorkuntzan parte hartu duten guztientzat, Martinicaren aurretik isilarazitako narratibak argitu eta ahotsa ematen baitie.