ARTZAIN SOIL dokumentala zinema geletan

2024-05-02

Maiatzaren 2 huntan estreinatuko da Baionako Atalante zineman Sabina Hourcade eta Lucie Francinik zuzendutako "Artzain soil" dokumentala, Novanima Productions-ek ekoizturik eta kanaldude telebistak koekoizturik.

Maiatzean zehar hainbat proiekzio eginen dira Ipar Euskal Herrian: 13an Urruñan, 14an Hazparnen, 15ean Hendaian, 16an Maulen, 21ean Donapaleun, 23an Kanbon, 28an Donibane Lohizunen eta 29an Donibane Garazin.

Sinopsia:

Erabakia hartua da : ondoko neguan Maina ez da gehiago artzain soil izanen. Akabo bere bizimodu ibiltaria, etengabean bizitoki berri bat bilatzea, bere lurrak nahi bezala kudeatzearen ezintasuna. Maina instalatzen da, bere lurraldean sustraitzeko asmoz eta berak nahi laborantza mota eramateko prest. Ideiak argi baditu ere, instalazioan zehar hainbat sorpresa suertatuko zaizkio.