• haurrak
• berria
• emankizuna
• ekoizpena

“Maitexa eta Miraila” haurrentzako emankizun berria

2024-09-23

Hamar atalez osatutako haurrentzako emankizun berri baten ekoizpenean sartua da Kanaldude telebista. Maryse Urruty antzezlea, Itzuli antzerki konpainiaren sortzaileak idatzitako gidoian oinarritua, Maitexa pertsonaiari bizia emanen dio Maiana Etxeberrik, Pariseko Arte Drama kontserbatorioan formatutako antzezle gazteak.

Emankizun berriaren lehen lau atalen filmaketak Senpereko Larraldea Etxean egin dira. 2024ko Maiatzan lehen lau atalak grabatuak izan dira eta 2025 hastapenean beste sei atalak filmatuko dira.

Erdi aroko fantasiazko mundu batean oinarritua, eduki erakargarri eta aberasgarria proposatuko du Kanaldudek. Teknologia berriak ardatz, naturarekiko atxikimendua, eskulanak, kultura eta musika uztartuz, jakintza orokorrak partekatu eta eduki pedagogikoak proposatuko ditu.

Sinopsia

«Maitexa bakarrik bizi da. Medieval fantasy estiloko mundu batean. Magia onartua da, baina denek ez dute erabiltzen ahal. Maitexa-k sendagaiak egiten ditu herritarrentza. Egun batean miraila (ispilu) magiko bat deskubritzen du Mari bere lagunaren etxean. Mari desagertu da. Miraila piztuko da eta Maitexak ulertuko du mirailak beste errealitate batzuk erakusten ahalko dituela...»

Hedapena

Emankizunaren hedapena 2025erako aurreikusia da. 30 minututako 10 atal izanen dira eta Kanaldude telebistan hedatuko dira. Ipar Euskal Herrian ondoko telebista box-etan ikusteko aukera izanen da; Orange 358 katean, Bouygues 339 katean, Free 948 katean eta SFR 496 katean. Euskal Herri zabalean kanaldude.eus web atarian zuzenean zein nahieranen ikusteko aukera ere, mugikorrentzako aplikazioan baita ere.

Fitxa teknikoa

Ekoizpena: Kanaldude telebista

Idazketa: Maryse Urruty

Aktorea: Maiana Etxeberri

Dekoratua: François Dussourd

Grafismoa: Fabien Paviot

Irudia eta soinua: Eki Pagoaga, Iban Rusiñol eta Ainize Ameztoi