• dokumentala
• artzainak

ARTZAIN SOIL dokumentala etxaldetik haratago

2024-09-24

Argazkia: Lucie Francini eta Sabina Hourcade dokumentalaren egileak

Lucie Francini eta Sabina Hourcadek zuzendua eta Kanalduderen koekoizpena duen ARTZAIN SOIL dokumentak bere bidea egiten jarraitzen du. 2024ko maiatza eta ekainean Ipar euskal Herriko hainbat herrietako zinegeletan emana izan zen. Geroztik, festibaletara jauzi egin du.

Urriaren 10ean Grenobleko (Frantzia) Pastoralismes et Grands Espaces festibalean hedatua izanen da. Festibal honek, artzainen konpromisoa eta artzaintzaren ekintzak argitan ematea du helburu; filmen hautaketak, erakusketak eta ekintza ezberdinak proposatzen dituelarik.

Azaroaren 1ean berriz, Biscarosse-ko Le Renoir zineman hedatua izanen da, LE MOIS DU DOC dispositiboan hautatua izan ondotik.

Sinopsia:

Erabakia hartua da: ondoko neguan Maina ez da gehiago artzain soil izanen. Akabo bere bizimodu ibiltaria, etengabean bizitoki berri bat bilatzea, bere lurrak nahi bezala kudeatzearen ezintasuna. Maina instalatzen da, bere lurraldean sustraitzeko asmoz eta berak nahi duen laborantza mota eramateko prest. Ideiak argi baditu ere, instalazioan zehar hainbat sorpresa suertatuko zaizkio.

Informazio gehigarriak HEMEN

 Aurrerapen bideoa: