partekatu sarean:
- kantuen kontrabandista kontzertu
KANTUEN KONTRABANDISTA | Iturri zaharretik ur berria
2022-08-26
Hondarribitik Altzaira, 257km egin ondotik eta 6 kantu zahar atxemanik, garaia iritsi da transmisio lan honen emaitza entzuteko.
Dena prest dago Hendaiako Gaztelu Zahar aretoan emango den kontzerturako. Gela bapo bapo jendez beteta, denak taldeek egindako lana ezagutzeko irrikitan daude. Argiak itzaltzen dira, isiltasuna instalatzen da. Eszenatokiaren atzekaldean duela hilabete batzu hasitako bizipenen proiekzioa ikusten da : "Abenduaren hamarraz" kantuaren doinu zaharra entzuten da eta horren ondotik Maddalena Luzziren ahots beroak hartzen dio erreleboa. Bere atzetik segituko dute Lumi, Mugaldekoak, Petti, Willis Drummond, Thierry Biscary eta Oihan Oliarj-Ines musikariak besteak beste, beren kantu zaharren eraberritzea argirat ekartzera.
