Zazpi | Emankizunak Iraupena: 27 minutu

ZAZPI emankizuna: Xabier XTRM artistaren ezagutza

Publikazio data: 2014-06-25

Zazpi emankizunaren 21, ale huntan, Tolosara joan gira Xabier XTRM, grafiti egile gipuzkoarraren ezagutzera. Hirian gaindi ibili gira bizikletez, birikak piska bat garbitzeko, bere eta beste batzuen lanak begiratzen. Ondoren, beti Tolosan, Box-A arte elkartearen egoitza eta tailerrak bisitatu ditugu, Ze bazarra, baina bazarra bizia da, termodinamikaren bigarren legeak behintzat holako zerbait dio. Han Xabier eta kide dituen Aritz E bideoegile eta Aritz Aizpun musikariarekin elkarteko zenbait proiekturen berri izan dugu. Kliklap sailean Hinka taldearen "Versus" bideoklipa ikusgai, umore eta estetika elgarri josiz. Jarioan berriz, azken egun hauetan filmatu ikusgarri edo kultur animazioen jasta, hala nola Urruñako kabalkada-zintzarrotsak, Hendaian eginiko Joseba Sarionaindiaren Kolosala liburuaren irakurraldia, eta Leinuruak dantza ikusgarria. Eta Hitzaurrean, Mikel, gure literatur adituak, Katixa Dolhare elkarrizketatu du "Biribilgune" liburuaz., aurtengo Gazte Luma sariaren irabazlea da Katixa Dolhare. Ikusgai ere zatika Zazpiren gunean http://www.kanaldude-zazpi.tv/2014/06/zazpi-21-xabier-xtrm-eta-box-arte.html Au menu de l'émission ZAZPI, le graffeur Xabier XTRM et d'autres évènements culturels.

partekatu sarean: