“Barbau hamalau” ikusgarria Xiberoan

Hebentik kolektiboak Ozazera gomitatzen gaitu aste buru huntan. Ttittika Rekaltek idatzi testu batetarik abiatuz, xiberotar andana bat ikusiko da dantzan, kantan eta antzerkian. Barbau, Barbau, beti ber mamuak arrapizten: 1914, 1939 urteak aipatzearekin gerla garaiak heldu dira gogora, bainan pastorala-maskarada nahasketa honetarik ateratzen den ikusgarri honetan ez xeka gerla bat, bainan gerla aitzin eta gerla ondo bat. Ozazeko erreka bazterra, gure munduarekin deus ikusterik ez duen “Urdintegi” mundu urdin perfektoa bihurtzen da aste buru batentzat... Uztailaren 23an eta 24ean, asteazken eta ostegun arratsez, 21:30etan.