Harri salda #9

Harri Salda berezi bat grabatu dugu aste honetan. Koronabirusak eraginiko egoera dela eta, guk ere etxetik lan egin dugu saio hau ekoizteko, usaiako giro ona eta alaia atxikiz. Sara Zozayarekin egon gira. Horrelako garai batek zer suposatzen duen artistentzat azaldu digu kantari donostiarrak. (I) izeneko lehen diskoa aurkezten ari zena etxean konfinatua da kontzertu anitz ezeztatu ondoren, baina hala ere denbora hartu du abesti bat grabatzeko Kanaldudeko ikusleentzat.

Kronikalaririk gabeko Harri Saldarik ez baita izaten ahal, Lukas Hiriartek hainbat aholku eman dizkigu konfinamenduan zehar zinemaz ere gozatzeko, horien artean, Charlie Chaplinen The gold rush filma urrik eskuragarri zela jakinarazi digu.

Senpereko Zirikolatz dantza taldeak ere emankizunean parte hartu du bere maneran, Kanaldudek estreinaturiko « Etxetik » sailarentzat igorri duten bideoa hedatu baitugu.,Bideoekin segitzeko, Joana Olasagastik tutoral bat bidali dauku, erakusteko nola eta zer dantzatzen ahal den haurrekin etxean.