Aiherra, Nafarroaren leihoa, 2019ko Aiherrako Kabalkada

Kabalkadaren aurkezpena aihertarrengandik: Adiskidea, Filma honetan urte eta erdiko lanaren emaitza ageri bada ere, gure ibilbidea zinez azkarra izan da: zerotik hasi, eta auzo, adin, ikusmolde desberdinetako dozenaka neska-mutil elkarlanean ari izan gira, Euskaraz, bakotxa bere sailean: antzerki, dantza, musika, makila, kantu, antolaketa... Gure kulturaz jabetzeko urratsak egin ditugu, erro sakoneko mundu batean sartuz: antzerki herrikoia, lurrari eta aspaldiko sinesmenei lotzen gaituzten dantzak, erran nahi bereziko pertsonaiak, musika, bertsularitza. Gure 21. mendeko begiekin eta gure maneran entseatu gira Kabalkadaren bizi arazten.