Iraupena: 93 minutu

"Zapatagintza oroitu" Ursuia kolegioko ikasleen eskutik

Publikazio data: 2020-07-01

Gaia: Kultura

Hazparneko Ursuia kolegioko 4. mailako elebiduneko ikasleek zapatagintzaren historia eta memoria argitan eman nahi izan dute "Zapatagintza oroitu" emankizun huntan. Ikasturte hasieratik euskara eta historiako irakasleekin landu duten proiektua da. Iñaki Bidart eta Itxaro Broussaingaray ikasleek aurkezturik, lehen mahainguruan, Beñat Cuburu, Baionako Unibertsitatean irakasle eta ikerle, Hazparneko Herriko-Etxeko Historia Batzordeko kideak eta Peio Etcheverry Historiako irakasleak zapatagintzaren hasierak Hazparnen eta industrializazioak ukan zuen eraginaz azalpenak eman dizkigute. Ondotik Michel Brust hazpandarrak eta animazio elkarteetako kide 1950-1960 urteetan eta Germaine Blezio, irakasle ohia, Hazparneko zapatagin sindikalista alabak zapatagintzak Hazparne herriari ekarri zuen bizia nolakoa izan zen kondatu daukute. Azkenik, gauregun zapatagintza memoria zertan den eta zer egin dezakegun solasteko, Terexa Lekunberri EKE-ko ondare arduraduna, "Zapat(h)ari" proiektuaren eramailea, Txomin Heguy kultura eragilea, Hazparneko Herriko-etxeko Historia Batzordeko kidea eta Matiu Bordato hazpandarra, Zinegin festibalaren antolatzailea izan dira mahainguruan. Tartean, Pantxix Bidart kantari-musikariak eta Pagoa bere alabak "Pulunpa" kantua eskaini daukute, Ekainaren 9an, Uruguaiko kostaldean, Leopoldina Rosa itsasontzia urperatzea kondatzen du. 200 pertsona baino gehiago pertsona hil ziren, gehienak euskal emigratzaileak.

partekatu sarean: