Herenegun | Emankizunak Iraupena: 73 minutu

1990eko Don Iban eta Ibai Gorri antzerkia

Publikazio data: 2021-03-16

Gaia: Kultura

Kanaldudeko artxibo zaharrenetan aurkiturik, hona Don Iban eta Ibai Gorri antzerkia, Mikel Erramouspek kamera bakar batekin filmatua 1990ean. Don Iban eta Ibai Gorri izan da bigarren Hiruak Bat taldearen seigarren eta azken antzerkia. Hartuz Europar antzerki klasikoaren eredua (Racine, Corneille, Shakespeare ... William), bainan ere Alkhat eta Esponden bertsu moldea, taldeak bete zuen aspaldi zuen amentsa: errugbia eta bertsuaren uztartzea. Orduan Nafarroa errugbi taldea ez zen oraino sortua eta Garazi-Baigorriren arteko derbiak (nahiz antzerkilariek batere ez segitu, antzerkiko errepiken mementoan baitziren) izigarri segituak ziren. Memento berean iragaiten zen Nafarroako bertsu txapelketa Iparraldeko bertsulariekin, hau ere antzerkilariek huts egiten zutena errepiken gatik. Gérard Bagardie, antzerki klasikoa gustukoa zuen taula zuzendaria lagun, antzerki klasiko absurdo bat troxatu zuen Hiruak Bat taldeak, euskararen karruskatzeko plazerrean bermatzen zena. Antzerki hau barnekaldeko antzokietataz gain, herrietako bestetan ere ibili zen publiko bat baino gehiago hunkiz. Orroitgarriak izan ziren Baigorriko lehena, taula gainean bezainbat publikoan baitzen ikusgarria eta azkena, Maddi Garatek gomitatu baitzuen antzerki taldea bere ostaturat, Iholdirat.