HITZALDIAK | Hitzaldiak Iraupena: 31 minutu

Munduko memoria guzia & Artxiboa eta euskal dantza - Lur Olaizola eta Oier Oraolaza

Publikazio data: 2021-11-24

Gaia: Kultura

"Euskal Etnopoloa" labelaren baitan, Euskal kultur erakundeak, ARI-CNRS erakundearekin eta Baionako Euskal Museoarekin elkarlanean, bere urteko kolokioa antolatu du 2021eko ekainaren 17 eta 18an. Honen gaia "Artxiboa eta Sorkuntza" izanez, kolokioa bi ardatz nagusiren inguruan egituratu da: alde batetik artxiboaren sortzea, eta bestalde, artxibotik sortzea. Bi egun horietan, ikertzaileek eta artistek haien gogoetak eta esperientziak partekatu dituzte, eta kolokio honen bi galdera nagusiei erantzuten saiatu dira: nola artxiboa eta bereziki "artxibo bilakatzeko prozesua" berez sorkuntza ekintza bat da? Nola artistek bereganatzen dute artxiboa beren sorkuntzaren hazkurri izan dadin? Azkenik, kolokioa artxibo zaindari, ikerlari, artista eta jendartearen artean sortzen den elkarrizketa nabarmentzeko parada izan da. Hona hemen Lur Olaizolak (Zine zuzendaria, Zinea eta Ikus-entzunezkoak departamenduko koordinatzailea (Tabakalera) eta Oier Oraolazak (Dantzaria eta ikerlaria) "Munduko memoria guzia & Artxiboa eta euskal dantza" gaiei buruz eman hitzaldia