Iraupena: 02 minutu

Mari Domingi eta Olentzero argiaren mezulariak

Publikazio data: 2021-12-08

Gaia: Kultura

Euskal kulturako eta mitologiako pertsonaia misteriotsua, Olentzero, Negu buruarekin batera agertzen da. Txapela buruan, pipa ahoan, makila eskuan, xamar beltza soinean , abarkak zangoetan, aurpegia kedarrez estalia… itxura ilun eta beldurgarrria du. Abenduan menditik jausten da txondorran egin ikatza banatzera etxe eta bihotzen berotzeko. Horrekin batera berri on bat dakar: Egunak berriz luzatuz joanen direla. Iluntasuna moztuko duen argia zabaltzera heldu da. Olentzerok eguzkia sekula itzaliko ez dela bermatzen du. Beste pertsonaia garrantzitsu bat agertzen da ere bai. Mari Domingi. Gona gorria, ttuntturrua buruan, abarkak oinetan. Olentzeroren laguntzailea da. Haurren mezuak biltzen ditu eta mendira eremaiten. Herria eta Olentzeroren artean zubia egiten du: haurretaz hurbil da, heien mezuak entzuten, galderer erantzuten ibiltzen da. Negurburuko elementu garrantzitsuena sua da. Garai batez, eguberri gauean enbor bat erretzen zen gau osoan urte zaharra garbitzeko eta berriari ongi etorria egiteko.