Europako hizkuntza gutituen aldeko pindar berria

2022ko martxoaren 11n, Europako hizkuntza gutituen xarta izenpetu dute banan-banan Itsasuko Sanoki gelan bilduak ziren Ipar Euskal Herriko 49 herriek. 2020ko herriko hauteskundeetatik landa, Itsasuko hautetsiek, Euskal Konfederazioarekin batera, lan handia ereman dute Europako hizkuntza gutituen tokiko ituna izenpetzeko eta herri guzieri gomita luzatu dute ildo beretik aritzeko. Europako kontseiluko ordezkariak etorri dira Itsasuko hitzordura eta ekimena txalotu dute.