KOLPEKA 4 | Periferia

2021ean zehar, gazteek eta gazteentzat sorturik, Euskal Herriko Trikitxa Elkartearen [EHTE] ekimenez eta boskote paregabe baten gidaritzapean, sei bideo ezberdin aurkeztu dituzte, trikitixaren protagonista ezinbestekoak gonbidaturik. Hona hemen Xabi Arakama eta Xabi Malbadi trikitilariak aurrez aurre jarririk. Zentroan, betiko lez, trikitixa; haiek, ordea, soinu txikiaren hots ohikoenetatik ihes egin izan dute sarri, estilo berrien bila. Euren arteko solasaldiak trikitixaren periferiara hurbilduko gaitu.