KOLPEKA 5 | Txikitasunean handi

2021ean zehar, gazteek eta gazteentzat sorturik, Euskal Herriko Trikitxa Elkartearen [EHTE] ekimenez eta boskote paregabe baten gidaritzapean, sei bideo ezberdin aurkeztu dituzte, trikitixaren protagonista ezinbestekoak gonbidaturik. Soinu txiki, infernu handi. Trikitixaren bizileku nagusienetariko bat dugu gaur hizpide: Arizterrazuko erromeria. Covid-19ak ere ez du infernuko hauspoa kikildu; hain zuzen ere, ekainaren 27an hainbat eta hainbat trikitilarik bukaera borobila eman zioten “Arizterrazu zuzenean” erromeria birtualari. Denboraldi amaiera honen bueltan bildu ditugu Iosu Arrizabalaga Telletxea “Izer”, Juan Mari Azkue Albeniz eta Itsaso Elizagoien Bizente, soinu txikiaren plazaratze “txiki” eta “handien” inguruan solas daitezen.