Mahastizainak beren tresnak eraikitzen

Irulegiko CUMAn bilduak diren sormarkako mahastizainek mahats ondoen gibeleko terrazen garbitzeko tresna bat asmatu eta eraiki dute Atelier Paysan egituraren laguntzarekin. CUMAk, proiektu honen partaide izan ditu Biharko Lurraren Elkartea eta MSA asegurantza kutxa. Eraikitzeak urte bat pasa iraun du, taldeko kide bakoitzak bere partea egin duelarik. Ekainean, Irulegiko mahastietan egin den lehen entseguan, pozik agertu dira tresnaren sortzaileak. Nahiz oraino zenbait aldaketa ttipi gelditzen den egiteko, CUMAko partaideek pentsatzen dute tresna baliosa izanen dela mahastizainentzat.