Amerikanoenia zentroaren estreina Urepelen

Euskara, bertsolaritza, artzaingoa eta laborantza, Kintoa : lau gai hauek laburbiltzen dute Urepelen 2022ko iraila hasieran estreinatu den kultur eta dokumentazio zentro berrian jorratuak diren gaiak. Marrazki, bideo, objektu eta testu laburrez osaturik, interpretazio zentro honek bisita merezi du. Herritar andana hurbildu da estreina egunera eta Kanaldudeko laguntzaileak hitzorduaz baliatu dira ekimena argitan emateko erreportai honen bidez.