• proiektu

“Nortasuna(k) borrokan” proiektu deialdia 2025

2025-06-26

Hirugarren edizio baterako, Kanaldudek, TV7k eta Tënkek bat egin dute 3 sorkuntza-dokumentalen laguntzeko, “Nortasuna(k) borrokan” izeneko proiektu deialdi baten karietara.

Nortasun nazional, sinplifikatzaile eta konkistatzaile baten ideiaren aitzinean, nortasun anizkunak, konplexuak, beti aldatzen segitzen dutenak daudela ohartzen gara. Nortasun hauskorragoak, nahi ala ez, bizi izan denaren errealitatean erroturik baitaude, historia indibidualaren eta eraikuntza kolektiboen bidegurutzean.

Proiektu deialdi hau abiaraziz, komunitateek eta norbanakoek existitzeko eta aitortuak izateko egiten dituzten borroka intimoak edo/eta politikoak erakutsi eta entzunarazi nahi ditugu.

Sustengatu nahi ditugun filmek beren begiradaren subjektibotasuna asumitzen dute, munduaren zati bati begiratzeko beren begiak proposatzen dizkiguten autore batzuen lanak dira. Sorkuntza-dokumentalak dira, forma bat proposatzen dutenak, zeina narrazioak eraikitzeko molde nagusitik urruntzen baita.

Kanaldudek, TV7k eta Tënkek hautatuak izanen diren filmen hedapen-eskubideak aitzinetik erosiko dituzte. Erosketa horrek, lagunduko den film bakoitzaren kasuan, ondoko abantailak ekarriko ditu:

• 20 000 €-ko diru-ekarpen orokorra (hots, 10 000 € Kanaldudek eta 10 000 € TV7k).
• 10 000 € inguruko industria-ekarpena, horren barnean izanik Tënk-ek nahaste-auditorium bat utziko diola aste batez (4 600 €).

Hautatua bada, industria-ekarpen honen xehetasunak Tënken eta ekoizpenaren arteko eztabaida eta baliozkotze-gai izango dira.

Nahaste-auditoriuma Lussas-en dago, Ardèche departamenduan. Ostatua eta garraioa ekoizpen-egituraren gain geldituko dira.

UTZIKO DIREN ESKUBIDEAK

Sustengatu filmak Kanaldude, TV7 eta Tënk kateetan hedatuko dira. Utziko diren hedapen-eskubideak ondokoak dira:

Kanaldude eta TV7 kateetan antenan eta replay moduan hedatzekoa (Eskubideen iraupena: 5 urte, 6 hilabeteko esklusibotasuna barne), 4 hilabeteko SVOD hedapen ez esklusiboa Tënk plataforman, eta 12 hilabeteko bigarren hedapena plataforman. Hedapen guziak ekoizpen-egiturarekin adosturik programatuko dira.

HAUTAGAI IZATEKO

Eman behar diren dokumentuei buruzko xehetasun guziak hautagaitza-formularioan (frantsesez) aurkituko dituzue.

Hautagarriak izateko, aurkeztuak diren proiektuek zenbait baldintza bete behar dituzte:

• Formatu dokumentala izan, egile-ikuspuntu espezifiko bat aldarrikatuz eta garatuz eta irudikapen-modu berezi bat proposatuz.
• Deialdiaren gaiarekin lotura izan: Borrokan dauden identitateak: komunitateen eta norbanakoen existitzeko eta aitortuak izateko borroka intimoak eta/edo politikoak.
• Eremu profesionalean egina izatea eta, beraz, ekoizpen-elkarte batek edo ekoizpen-enpresa batek lagundua izatea (APE 5911 A edo C kodea).

• Irizpide hauetarik bat bederen betetzea:

• Akitania Berria eskualdeko egitura batek eramana izatea.
• Akitania Berria eskualdean bizi den egile batek eramana izatea.
• Akitania Berria eskualdearekin lotura kultural sendoa izatea edo Akitania Berrian eginen diren ekoizpen-gastuak justifikatzea.
• Garapen-fasearen amaieraren eta postprodukzioaren hasieraren artean egotea.
• Kate nazional baten engaiamendua errezibitua ez izatea.
• Kateen aitzineko proiektu deialdietan errefusatua ez izatea (baimen berezia salbu).
• 2027ko irailaren aurretik amaituta egon behar da.

EGUTEGIA

• Hautagaitza-dosierren irekitzea: 2025ko ekainaren 25a
• Proiektu deialdiaren bukaera: 2025ko uztailaren 30a (barne)
• Emaitzak: 2025ko irailaren 17a

PROIEKTU BAT AURKEZTU

Mesedez, bete eskaera orria HEMEN

Ekoizpen-etxe bakoitzak proiektu bakarra aurkez dezake saio bakoitzeko.

Betetako eskaera orriaz gain, mesedez, prestatu dokumentu hauek PDF formatuan:

• Dosier artistikoa (laburpena; asmoen adierazpena; ekoizpen-oharra; prozesamendua; sekuentziazio labur bat, agian). Eskaeren azterketa sakona bermatzeko, gomendatzen dizugu dosier artistikoa gehienez 35 orrialdekoa izatea, argazkiak kontuan hartu gabe;
• Finantzaketa-plan zehatza eta aurreikusitako aurrekontua, dagoeneko lortutako finantzaketa zehaztuz;
• Proiektua hobeto ulertzeko beste edozein audio- edo filmatutako materialetarako esteka;
• Egilearen(en) curriculumak eta ekoizpen-enpresaren(en) katalogoa(k);
• Zuzendariaren eta eskaera aurkezten duen ekoizpen-etxearen arteko eskubideen aukera- edo lagapen-kontratua;

ARAU OSOAK ETA MAIZ EGITEN DIREN GALDERAK

Arau osoak eta baldintza zehatzak HEMEN aurki ditzakezu.

Eta gure ezaugarri guztiak HEMEN ikusi.

KONTAKTUAK

Proiektu deialdiari buruzko edozein galdera egiteko, kateetako erosketa-aitzineko arduradunekin harremanetan jartzera gomitatzen zaitugu:

• Tënken izenean: Line Peyron / line.peyron@tenk.fr
• TV7ren izenean: Damien Cortadi / production@tv7.com
• Kanalduderen izenean: Loïc Legrand / loic@kanaldude.eus

Tënken industria-ekarpeneko tarifak

• Edizioa (teknikaririk gabe) : 210 € eguneko
• Kolore zuzenketa (teknikaririk gabe) : 600 € eguneko
• Soinu edizio (teknikaririk gabe): 460 €/eguneko
• Nahastea — Nahaste-auditorium 7.1a (teknikaririk gabe) — 800 € eguneko
• Nahastaile laguntzailea — 200 € eguneko
• Tënkek laguntzea — 280 € eguneko