• seriea
• animazioa
• deialdia

Animaziozko serie DEIALDIA

2025-06-27

France Télévisions, Kanaldude, Òctele eta TV7-ren deialdia: ANIMAZIOZKO TELESAIA

Akitania Berria Eskualdearekin sinatutako Helburu eta Baliabide Kontratuaren baitan, lau telebista kateek — France 3 NoA, Kanaldude, Òctele eta TV7 — bat egin dute eskualdeko ekoizle eta egileei laguntzeko. Hala nola, jatorrizko animaziozko telesail baten aurre-erostean hiru urtez diruz laguntzeko konpromisoa hartu dute, guztira 225.000 €-ko ekarpenarekin (BEZa gabe), honela banatuta:

· France 3 NoA: 75.000 € (BEZa gabe)
· Kanaldude: 60.000 € (BEZa gabe)
· Òctele: 15.000 € (BEZa gabe)
· TV7: 75.000 € (BEZa gabe)

 

1/ EGUTEGIA

Proiektuak lau kateetako ordezkariek osatutako batzorde batek aztertuko ditu. Batzorde horrek proposamenen kalitate artistikoa eta bideragarritasun ekonomikoa hartuko ditu kontuan, kate bakoitzaren editorial-ildoari jarraikiz.

· Deialdiaren hasiera: 2025eko ekainaren 9a
· Dosierren bidalketa-epea: 2025eko urriaren 8a, eguerdiko 12:00ak arte
· Irakurketa-batzordearen bilkura: 2025eko azaroan

Dossierrak PDF bakar batean eta formatu digitalean bidali behar dira helbide hauetara:

France 3 Nouvelle-Aquitaine
Jean-François Karpinski
jean-françois.karpinski@francetv.fr
edo France TV-ren plataformaren bidez
136, rue Ernest Renan
33 075 Bordeaux cedex

Òctele
Guillaume Gratiolet
g.gratiolet@octele.com
77 av des Lilas
64 000 Pau

Kanaldude
Loïc Legrand
deialdiak@kanaldude.eus
1840 plazako bidea
64780 Bidarrai

TV7
Damien Cortadi
production@tv7.com
23 quai des Queyries
33100 Bordeaux

 

2/ KATEEN ESPEKTATIBAK

Proiektuek baldintza hauek bete behar dituzte:

· Jatorrizko telesail bat izatea, formatu laburrean (gehienez 3-5 minutu atal bakoitzeko)
· Gutxienez 10 atal izatea (gehiago izatea baloratuko da)
· Telesaila hiru hizkuntzetan entregatu behar da: euskara, okzitaniera eta frantsesa (bertsioen kostua ekoizlearen esku)
· Publiko gaztearentzat da: nerabeak eta/edo gazte helduak
· Gaiaren eta formatuaren aukeraketa librea, xede publikora egokituta
· Lau kateek batera eta esklusiboki emitituko dute
· Emisio-moduak:
- Kate bakoitzaren zuzeneko fluxuetan
- Ondoko plataformetan:
- France TV / Slash
– kanaldude.eus
– octele.com
– sudouest.fr
– YouTube

· Sare sozialetarako egokitutako bertsioa (Facebook, Instagram, Tiktok) ongi etorria izanen da.
· Programa, 2027ko urria baino lehen eman behar zaie kateei.

 

3/ HAUTAKETA BATZORDEAREN OSAKETA

Hautaketa-batzordea kateetako ordezkariek osatuko dute eta animazioaren alorreko profesional independentez osatutako aholku-batzorde batek lagunduko du.

Batzordearen osaketa publiko eginen da 2025eko irailean honako webguneetan:

France 3 
france3.na.fr

Òctele
octele.com

Kanaldude
kanaldude.eus

TV7
sudouest.fr/lachainetv7

 

4/ PROIEKTUEN HAUTAGARRITASUNA ETA ZAINDU BEHARREKO PUNTUAK

Proiektuak ekoiztetxe batek (APE kodea: 5911 A edo C) aurkeztu behar ditu, eta baldintza hauetako bat gutxienez bete:

· Autore batek (literario edo grafikoa) edo zuzendari batek aurkeztua izatea, eta pertsona horrek Akitania Berria eskualdean bizileku nagusia izatea ;
· Ekoiztetxea Akitania Berria eskualdean izatea, eta bere jarduera nagusia ikus-entzunezko edo zinemazko ekoizpena izatea (APE 5911 A edo C) ;
· Gaiak edo ekoizpen-prozesuak lotura kulturala izatea Akitania Berria eskualdearekin.

Beste baldintza batzuk:

· Deklarazio sozialak eguneratuak egon behar dira ;
· Ekoiztetxeak animazioaren alorrean esperientzia egiaztatua izan behar du ;
· Ekoiztetxe bakoitzak proiektu bakarra aurkeztu dezake ;
· Zinegilearen eta ekoizlearen artean eskubideen lagapen-kontratua sinatua izan behar da, hitzarmen profesionalak kontutan hartuz (accord interprofessionnel en production d’animation audiovisuelle) ;
· Egile edo zuzendari batek bakarrik aurkeztutako proposamenik ez da onartuko.

Kateek honako puntuetan jarriko dute arreta berezia:

· Eduki artistikoaren kalitatea ;
· Proiektuaren jatorria eta egokitasuna ;
· Tratamenduaren kalitatea ;
· Hautagaien esperientzia ;
· Aurrekontuaren eta finantzaketa-planaren koherentzia ;
· Ekoizpena burutzeko gaitasun ekonomikoa ;
· Eskualdeko baliabide tekniko eta giza baliabideen erabilera ;
· Proiektua 2027ko urriaren 30a baino lehen amaitu behar da. (Atzerapen bakoitzeko, eguneko kalte-ordaina ezarri ahal izango da).

Programa 16/9 formatuan entregatu behar da (bertikal formaturako bertsioa onartua izango da, egokia bada).

Elementu artistiko guztiak ongi etorriak dira: tonu orokorra, unibertso bisuala, giroa…

 

5/ TXOSTENAREN EDUKIA

· Txosten literarioa: kontzeptua, pertsonaien deskribapena, giroak, estiloa eta narrazio-mekanismoa ;
· Txosten grafikoa: pertsonaien eta eszenatokien jatorrizko marrazkiak, giro desberdinak barne ;
· Kontakizun-arkua ;
· Atal bakoitzeko sinopsia ;
· Zuzendariaren oharra ;
· Ekoizlearen oharra ;
· Fitxa teknikoa ;
· Aurrekontua ;
· Finantzaketa-plana eta jadanik lortutako akordioak ;
· Autorearen CVa ;
· Zuzendariaren CVa (desberdina bada) ;
· Egile-eskubideen kontratua ;
· KBIS agiria ;
· “Obraren ezaugarriak” eta “enpresaren datuak” fitxak (frantsesez) ;

Aurrerapenaren arabera:

· Gutxienez atal bateko storyboard-a
· Lehen bi atalen gidoiak
· Gainerako atal guztien sinopsiak
· “Fil à fil” edo atal xehetuen segida
· Proiektuaren ikuspegi artistikoa ulertarazteko animazio-elementuak

Dosier osatugabeak ez dira aurkeztuko irakurketa-batzordeari.

 

6/ ENTREGA ETA HEDAPENA

Programaren hedapena aurreikusia dago 2027ko abendutik aitzina.