• euskara
• mugazgaindi
• euskal hedabideak

Sarebide, euskarazko hedabideen arteko mugazgaindiko proiektu estrategikoa

2025-11-17

Sarebide, euskarazko edukiak sustatzeko euskal hedabideen arteko mugazgaindiko proiektu estrategikoa aurkeztua izan da Iruñeko Kondestablearen jauregian. Berria, Euskalerria Irratia, Kanaldude telebista, Hamaika telebista eta Euskal Irratiak partaide, Elhuyar fundazioa barne.

Prentsa agerraldian hitza hartu dute Pello Urzelai (BERRIA), Juan Kruz Lakasta (Euskalerria Irratia), Ana Ollo (Nafarroako Gobernua) eta Ainhoa Jauregi (Hamaika TB).

Hiru ardatz izanen ditu euskarazko komunikabideen arteko proiektuak; baliabide eta soluzio teknologiko komunak garatzea (adimen artifiziala barne), ikus-entzunezko edukiak zabaltzeko eta publiko berriengana iristarazteko sare eta kanal berri komunak sortzea, eta azkenik, hedabideen azpiegitura digitala gaurkotzea.