"Erran nahi nizuke", hiru xahar etxeen eskutik

Donazaharreko Lutxiborda, Iholdiko Goxa leku eta Kanboko Au bon air xahar etxetako 15bat egoiliarrek parte hartu dute "Sur un fil" elkartearen proiektuan. Bi urtez, musika egonaldiak egin ondoan, diska bat grabatu zuten joanden irailean eta geroztik kontzertu bat edo beste eman dituzte. Lekornen eman beharra zuten kontzertuaren bezperako errepikan filmatu ditu Kanaldudek, Marguerite Elgart eta Guy Fresne xaharren lekukotasunetaz bestalde, Kittof Prudhomme musikagileak eta Jenofa Mendiburu Iholdiko xahar etxeko psikomotrizienak azpimarratu digute holako proiektuen garantzia xaharren egun guzietako bizian.